المشكل ليس مع البام ... لان ساهل هزيمته ... الموشكيل مع مؤسس هاد الكيان الموازي ... اللي هوا الهمة ...
حيث هاد الهمة هو مهندس العهد الجديد و اللي مهد للإنقلاب على اليوسفي !! حيث هوا اللي كان شد وزارة الداخلية من بعد البصري ...
وملي تنقولو شد بلاصة البصري ... يعني شد هياكل الدولة و زرع في مفاصلها اتباعه ... منهم فيصل العرايشي ايضا ديك سيطايل ايضا الهاكا ... بلاما نهضرو على زعماء الباطرونا و الاعلام ...ومدراء المؤسسات الاستراتيجية ...
هاد السيد "الهمة" ملي شاف ان عمليات 16 ماي لم تمنع البيجيدي من ان يحتل المركز التاني في انتخابات 2007 بفارق بسيط عن حزب الاستقلال ...
شنو دار ؟؟؟ قرر انه يخرج من الداخلية ويؤسس حزب مول الشكارة ... سماه "حزب سيدنا"
وهنا بدات المشاكل لانه لا يتنافس بنزاهة بل يستخدم الدولة في التنافس السياسي ... وايضا القرب ديالو من الملك ...
تخيلو ان الهمة لم يشارك في انتخابات 2007 وتاسس غير في 2008 وولات عندو أغلبية في البرلمان بلاما يشارك في الانتخابات ههههه وبدا يدير ابتزاز للفاسي مما جعل هاد الاخير ينصاع ليه و يدخل وزراء تابعين للبام لديك الحكومة !!!
الغريب ماشي غير هو هادشي ... بل بعد سنة من تأسيس هاد الكيان يعني في 2009 ... غادي يفوووز بالانتخابات الجماعية ... لانه التهم كل الاحزاب ...
وتا المنصوري امين عام حزب الاحرار ملي انتقد هاد التحالف و رفض الانضمام للهمة ... شنو طرا ليه ... حرش عليه الهمة مزوار و دارو لجنة تصحيحة و اطاحو بيه ووصل مزوار للامانة العامة !!!
جاب الله جات 20 فبراير و خافووو و خلاو صناديق الاقتراع تعكس الارادة ديال الشعب ....
